පසුගිය ජනාධිපතිවරණය සමයේදී සිල් රෙදි බෙදා දීමේ වැඩසටහනක් සඳහා ශ්‍රි ලංකා විදුලි සන්දේශ නියාමන කොමිෂන් සභාවට අයත් රුපියල් මිලියන 600 ක මුදලක් ලබා ගෙන එම මුදල් සාවද්‍ය ලෙස පරිහරණය කිරීමේ චෝදනා ලැබ සිටින හිටපු ජනාධිපති ලේකම් ලලිත් වීරතුංග සහ විදුලි සන්දේශ නියාමන කොමිෂන් සභාවේ හිටපු අධ්‍යක්ෂක ජනරාල් අනුෂ පැල්පිට වරදකරුවන් කර තිබෙනවා.
නඩුවේ තීන්දුව අද (07) කොළඹ මහාධිකරණයේදී මහාධිකරණ විනිසුරු ගිහාන් කුලතුංග විසින් ප්‍රකාශයට පත් කළා.
වර්ෂ 2014 ඔක්තොම්බර් මස 30 සහ 2015 ජනවාරි මස 5 දින යන කාල සීමාව තුළ මෙම චූදිතයින් මෙම මුදල් සාවද්‍ය ලෙස පරිහරනය කල බවට නීතිපතිවරයා අධි චොදනා නගා තිබුණා.