ඉදිරි වසර කිහිපය තුළ මෙරට ආර්ථිකය සම්පූර්ණයෙන්ම අපනයන ආර්ථිකයක් ලෙස පරිවර්තනය කරන බව අග්‍රාමාත්‍ය රනිල් වික්‍රමසිංහ මහතා පවසයි.
කඩවත රන්මුතුගල පැවති උත්සවයකට එක් වෙමින් අගමැතිවරයා මෙම අදහස් පළ කළේය.
ලබා ගත් ණය ගෙවා දැමීමට නොහැකි කියා බලා නොසිට අපනයන ආර්ථිකයක් රට තුළ ඇති කර ඒ තුළින් රැකියා වෙළඳ පොළක් බිහි කර ආර්ථික වශයෙන් ඉදිරියට යෑමේ වගකීම රටක් ලෙස අද වන විට රජය බාර ගෙන ඇති බව ද අගමැතිවරයා මෙහිදී කියා සිටියේ ය.
ජී.එස්.පී ප්ලස් හරහා එම තත්ත්වය උදා කර ගැනීමට අවකාශ හිමිව ඇති බවද වික්‍රමසිංහ මහතා මෙහිදී වැඩි දුරටත් පැවසීය.
